中秋節食多咗月餅？
佳節過後 食呢啲啦！
中秋剛過，唔知大家幾日長假期有冇食多咗月餅？我自己因為唔好甜，所以只係同屋企人打咗一次邊爐，唔算食多好多。
但如果真係食多咗月餅或其他甜點而覺得好似食濟咗可以點？以下幾樣食物未來幾日不妨多吃：
1）含澱粉酵素的食物 - 未全熟芒果和香蕉
呢兩種生果含有澱粉酵素，有助將澱粉質轉化為糖分，呢兩種生果嘅共通點係，越熟越甜。所以最重要揀一啲未全熟嘅芒果同香蕉。有助消化澱粉質，減少食濟感覺。
2）含水溶性豐富的食物 - 燕麥、亞麻籽粉、雪耳、木耳、紅腰豆、杏仁
食咗糖份高的食物，血糖會上升得快，除非即時做運動，否則血糖過高除咗會增加糖尿病風險之外，亦會引致肥胖，特別是中央肥胖的問題。
水溶性纖維有助穩定血糖，延長飽肚感，如果可以及時增加活動量，就可以消耗糖份，唔會過完一個中秋肥幾磅。
3）含益生菌的食物 - 希臘乳酪，泡菜，納豆等
益生菌有助促進消化和營養吸收，不過揀乳酪，記得揀係有活性益生菌和低糖的乳酪。
以上三類食物，都對穩定血糖有幫助，但係最重要都係，節日過後，增加活動量，如果唔係都係會肥㗎～
#節日過後
#營養師 #Nutritionist #AnnieLee
Search